UM ÞRISTAVINAFÉLAGIÐ

Þristavinafélagið er áhugamannafélag um varðveislu Þristsins okkar, Páls Sveinssonar. Flugvélin, TF-NPK áður TF-ISH, skipar stóran sess í flugsögu Íslands. Hún var í notkun í innanlandsflugi Flugfélags íslands sem og í flugi til Grænlands og Norðurlandana árin 1946 til 1972. Vélin kom ný til landsins árið 1943 á vegum Bandaríkjahers á Keflavíkur flugvelli. 

Þessa sögu vill félagið varðveita og stuðningur almennings er nauðsynlegur til að það takist. Mikilvægt er að fá sem flesta félagsmenn í Þristavinafélagið og því er árgjaldinu stillt í hóf, er 3000 kr. 

Með árgjaldinu er unnt að viðhalda vélinni og halda henni fljúgandi auk þess sem leitað er eftir styrkjum til að styrkja starfsemina. Heimahöfn vélarinnar er í Flugsafni Íslands á Akureyri og þar hafa nemar í flugvirkjun getað sinnt reglulegu viðhaldi. Vélinni er flogið eins mikið og unnt er og á hverju ári er reynt að verða við óskum um þátttöku í flughátíðum og slíkum samkomum, m.a. í Reykjavík.