4. maí 2012
Sælir félagar.
Þá er lokið þjálfuninni á danska flugmanninum. Það gékk mjög vel og hann lauk öllum prófunum með elegans. Tómas Dagur, Hallgrímur (Moni), Benni Thór og Arngrímur luku einnig hæfniprófi á vélina. Þar sem norðanmenn vildu gjarnan hafa vélina fyrir norðan var ákveðið að hún yrði þar fram að flugdeginum í Reykjavík 26. maí en þá verður henni flogið til Reykjavíkur. Því verðum við sunnanmenn að hafa smá biðlund. Erling flugvirki segir að vélin hafi ekki slegið feilpúst og sé í frábæru lagi. Þetta eru fréttir eins og þær gerast best.
Félagskveðja, Karl Hjartarson