28. janúar 2013
Þristavinafélagið og Flugsögufélagið hafa farið í samstarf við útgáfu blaðsins Flugminjar og Saga. Flugsögufélagið hefur gefið þetta blað út um nokkurra ára skeið.
Þeir félagar sem báðu um að fá DC3 NYT blaðið sent í pappírsformi fá það sent þannig, hinir fá það sent með tölvupósti á næstu dögum. Undirritaður skrifaði pistil í blaðið þar sem ég fór í gegnum það sem hefur verið að gerast hjá okkur í sumar sem og hvað er framundan.
Einnig settum við inn ágrip af sögu vélarinnar. Það ágrip er unnið upp úr sögu vélarinnar eins og hún er sögð á heimasíðu okkar. Eins og fram kemur á heimasíðunni hjá okkur þá er sagan, sem þar birtist, skrifuð af Pétri P. Johnson. Þau leiðu mistök urðu við úrvinnslu á efninu hjá okkur að í stað Péturs P. Johnson þá var nafn Jóhannesar Tómassonar undir greininni sem birtist í blaðinu. Um leið og ég leiðrétti þessi mistök hér, þá vil ég biðja Pétur afsökunar á þessum mistökum. Þetta hefur verið leiðrétt í þeirri útgáfu sem við sendum í tölvupósti til ykkar.
Þið fáið frekari fréttir af félaginu á næstu dögum þegar þið fáið blaðið sent til ykkar. Við í stjórninni vonum að þið eigið eftir að hafa bæði gagn og gaman af þessu blaði.
Þristakveðja
Tómas D. Helgason
Formaður