10. ágúst 2011
Sælir félagar.
Vélin okkar fór í Múlakot um verslunarmannahelgina en var flogið til Reykjavíkur á sunnudeginum vegna slæmrar veðurspár. Í dag voru Erling Andreassen flugvirki og Siggi Pé radíóvirki að vinna í vélinni. Flugfélag Íslands var okkur innanhandar við að taka vélina inn í skýli hjá sér og eins lánuðu þeir okkur mannskap og tæki við að koma vélinni að og frá skýlinu. Það er lítið annað um að vera í augnablikinu en ég læt vita hér á síðunni ef eitthvað gerist.
Kveðja, Karl Hjartarson