Aðalfundur Þristavinafélagsins var haldinn miðvikudaginn 25 október s.l. Þar var ákveðið að reyna að koma vélinni í flughæft ástand aftur. Vinna við það mun byrja á næstu dögum. Einnig munum við gera plön fyrir næstu ár og þannig fá heildarsýn fyrir vélina nokkur ár fram í tímann.
Mesta áskorun okkar verður að fjármagna það að koma vélinni í flughæft ástand sem og tryggja fjármögnun á rekstri næstu ára.
Ákveðið var að senda úr rukkun fyrir árgjöld í félaginu fyrir árið 2023. Einnig var ákveðið að hækka árgjaldið í 5000 kr. Félagsmenn okkar munu því fá greiðsluseðil í heimabankann á næstu dögum.
Á aðalfundinum var kjörin ný stjórn hana skipa
Tómas Dagur Helgason
Sveinn Runólfsson
Birkir Halldórsson
Hörður Geirsson
Pétur L. Lentz
Varamenn í stjórn eru
Kristinn Halldórsson
Steinunn María Sveinsdóttir