Valmynd
Fréttir / News
Sagan / The Saga
Myndir / Pictures
Tenglar / Links
Tćknilegar uppl / Techs
Greinar / Articles
Um félagiđ / About the Club
Bréf til félagsmanna / Letter

Póstlisti
    skrá
Ţristavinafélagiđ Dc3
dc3@dc3.is
 
07.01.2011 - C-47 Tico Belle

Sælir félagar og gleðilegt nýár.

Nú skömmu fyrir jól barst mér í hendur frá einum félaga okkar, smá álbútur úr gömlum þristi. Þarna er um að ræða vél sem kom frá verksmiðju í maí 1942 og bar seríunúmerið 42-100591 C-47 A. Þessi vél tók síðan þátt í innrásinni í Normandi 1944 og fleiri ferðum á stríðsárunum. Henni var síðan lagt en tekin í notkun aftur vegna loftflutninganna til Berlínar eftir stríð. Norski flugherinn fékk síðan vélina á láns- og leigusamningi 1950 - 1956 en þá var hún lánuð til danska flughersins sem setti í hana borgaralega innréttingu og þjónaði vélin dönsku konungsfjölskyldunni fram til ársins 1982 þegar henni var lagt. Þá komu til sögunnar samtök í bandaríkjunum sem heita Valiant Air command sem fengu vélina til varðveislu og fengu aðstoð frá danska flughernum við að fljúga henni til Bandaríkjanna með viðkomu á Duxford og þá fékk vélin í fyrsta sinn borgaralega skráningu N3239T. Henni var síðan flogið á flugsýningum allt þar til 2001 að henni hlekktist á í lendingu, hjólastellið brotnaði og vélin skemmdist mikið. Samtökin sem eiga hana eru sjálfboðaliðasamtök og voru ákveðið að gera allt til að koma vélinni aftur á loft og loks í júlí 2008 flaug vélin aftur eftir mikla viðgerð. Hún tók upp fyrra verkefni að fljúga á flugsýningum og er ætlun samtakanna að halda því áfram í framtíðinni.

Kveðja, Karl Hjartarson

Til baka