Valmynd
Fréttir / News
Sagan / The Saga
Myndir / Pictures
Tenglar / Links
Tćknilegar uppl / Techs
Greinar / Articles
Um félagiđ / About the Club
Bréf til félagsmanna / Letter

Póstlisti
    skrá
Ţristavinafélagiđ Dc3
dc3@dc3.is
 
28.07.2010 - Undirbúningur

Sælir félagar.

Það var reynt að fljúga vélinni okkar suður yfir heiðar í gær en tókst ekki vegna veðurs. Gunni Artúrs og Benni Thor flugmenn ásamt Erling Andreassen flugvirkja lögðu af stað frá Akureyri og var reynt að fljúga inn Eyjafjörðin en reyndist lokað. Þá var reynt við Hörgárdalinn en það var einnig lokað. Að lokum var farið út í Ólafsfjörð en það sama var þar, allt lokað. Því urðu þeir félagar að gista á Akureyri í nótt en þeim tókst síðan að komast til Reykjavíkur eftir hádegi í dag.

Vélin er nú í skýlinu hjá Flugfélagi Íslands þar sem settar verða á hana merkingar vegna flugsins um verslunarmannahelgina fyrir Icelandsair, Coca Cola og Bylgjuna. Það verður farið um landið og ætlunin er að útvarpa úr vélinni. Tæknimenn Bylgjunnar eru að koma fyrir tækjum sínum um borð í vélinni. Væntanlega verður vélin kominn út aftur eftir hádegi og verður geymd á vanalegum stað á stæðinu bak við Loftleiðahótelið. Fyrsta flugið er áætlað seinnipart á föstudag og síðan verður flogið á laugardag og sunnudag. Veðurspáin er góð og við vonum að þetta takist vel.

Kveðja, Karl Hjartarson

Til baka